Ричард Гир ја раскина врската со 20 години помладата Падма Лакшми

Американскиот актер Ричард Гир (65) и поранешниот модел Падма Лакшми (44), ставија крај на нивната врска, но сепак одлучиле да останат пријатели, објавија американските медиуми.

Според изјавите на нивни пријатели, тие ставиле крај на нивната шестмесечна љубов, од причина што биле премногу ангажирани.

- Тие заклучија дека подобро би функционирале како пријатели, изјави неименуван извор за „Њујорк Пост“.
Гир, кој е на возраст од 65 години, се разведе од сопругата Кери Ловел во септември минатата година по само една година брак. Тој во моментов во Њујорк го снима филмот „Time Out of Mind“, каде толкува улога на бездомник.

Падма во моментот е ангажирана во новата сезона на реалити шоуто „Top Chef“, кое се снима во Бостон. 

Подготви:Б.В.