Ајфон 6, сега поголем и помоќен од кога било

Ејпл го задржа вниманието на целиот свет додека вчера, од Купертино, Калифорнија, со жив стриминг пренос, ја промовираше најновата надградба на својот најпопуларен производ под името Ајфон 6. Освен основниот модел пристигна и еден поголем кој што се вика Ајфон 6 плус. 

- Денес го промовираме најголемиот технолошки напредок во историјата на Ајфон франшизата – рече Тим Кук, генерален менаџер на Ејпл.

Ајфон 6, според очекуваното доби поголем екран од претходниците и сега ќе гледате на 4.7 инчен (12 см) Ретина HD прегледувач, додека Ајфон 6 Плус има екран од 5.5 инчи (14 см) со што се приближува до фаблет стандардите. (phablet - кованица од зборовите Phone и Tablet бидејќи тие производи се спој на двата уреда. Samsung Galaxy Note од 2011 е првиот фаблет во светот. 

Екранот кај помалиот модел има повеќе од 1 милион пиксели, а кај поголемиот повеќе од 2 милиона.
Фотоапаратот на задниот дел, зачудувачки е испапчен над површината на телефонот, што беше непријатно изненадување во дизајнот, бидејќи како таква ќе биде подложна на оштетувања. Сензорот за слики е нов, но фотоапаратот е се уште како кај Ајфон 5 и има само 8 мегапиксели. Никој не го објасни ова останување во минатото, но секако Ејпл, некако успеа да го покрие овој недостаток со далеку подоброто фацијално препознавање во полни сцени и многу подобриот фокус, посебно во ситуации кога нема доволно светло за добра фотографија. Исто така, со Ајфон 6 добивате и дигитална стабилизација на сликата, додека кај Ајфон 6 плус ја имате подобрата оптичка стабилизација на слика.

Камерата за клипови е исто така подобрена, а една од новите функции е правењето slow motion видеа на 120 или 240 фрејма во секунда.

Хардверот е многу подобрен, па има побрз WI-FI чипсет и нов А8 процесор со кој што графиката е за 84 пати побрза од првиот Ајфон.

Ајфон 6 сега ќе троши 50 отсто помалку енергија, но траењето на батеријата е исто како и кај Ајфон 5. Кај Ајфон 6 плус батеријата ќе трае подолго бидејќи едноставно е поголема.

Времето за зборување со целосно полна батерија е зголемено за разлика од Ајфон 5 каде можеше без проблем да се зборува до 10 часа, а кај новиот уред до 14 часа. Кај Ајфон 6 плус ќе ви бидат потребни неверојатни 24 часа разговор за да ја испразните батеријата. 

На крајот можеме да заклулиме дека сепак ова е најмоќниот Ајфон до сега, првенствено благодарејќи на новиот А8 процесор со кој што има 25% подобрување во чистата процесорка сила и 50% побрза графика.

Исто така да не испуштиме да додадеме дека ако немате доволно добра мрежа на вашиот телефон, вашите повици ќе можете да ги остварувате преку WI-FI мрежа.

Новиот Ајфон ќе се појави во продавниците на 19 септември и ќе се продава од 199 до 399 долари, додека Ајфон плус ќе можете да го купите од 299 до 499 долари.
Ќе биде достапен во златна, сребрена и сива боја.


Подготви: В.С.
Не е дозволено преземање на оваа содржина или на делови од неа без дозвола од редакцијата на Плусинфо