Алма Идризи на Есенскиот салон, каде учествувал и Пикасо

Мултимедијалниот уметник Алма Идризи од Скопје, после поканата и учеството на Биеналето во Велс-Англија  каде што се претсави со 4 фотографии ќе учествува на интернационална изложба во најголемиот уметнички салон во Париз, Есенскиот Салон, каде ќе се претстави со фотографија.

Есенскиот Салон (Salon d’Autumne) одржува изложби уште од 1903 година.  Салонот е значаен токму по значајните уметници кои го формирале и на него учествувале уште на првата изложба во 1903 година, тој репрезентира имиња како Матис, Вијон и Бланш.

Во 1904 на Салонот се претставени 33 слики од Сезан, 62 од Редон, и 35 од Реноар. Во 1905 на него излагаат фовистите кои ги претсавуваат најголемите револуционери во сликарството во дваесеттиот век. Во 1903 тата меѓу излагачите се Роден, Леже, Шагал, Де Кирико...

Во 1923 тата година, во Салонот влегува Корбизие со својот современ град, а Кокто ја отвора вратата на седмата уметност - филмот.  Пикасо на овој Салон во 1945 година се претставил со 76 слики. Овие значајни имиња се дел од богатата историја на Салонот, поради која тој оправдано станува референца во историјата на уметноста на дваесеттиот век.

Алма Идризи е мултимедијален уметник чии дела се  претставени преку дигиталната фотографија, сликарство, цртеж, илустрација, видео, анимација, мода и изработка и дизајн на накит.

Таа е родена во 1985 година во Скопје, каде што живее и работи, почнувајќи со цртање и сликање од почетокот на 1998 година. Во годините 2010-2013 таа има учествувано на повеќе проекти за заштита на културното наследство во Македонија, финансирани од амбасадите  на САД. Својата работа почнува да ја изложува во текот на 2003 година во Музејот на современа уметност во Македонија, и оттогаш таа е претставена во бројни колективни и лична изложби и нејзините дела се дел од многу јавни и приватни колекции  во Македонија, Албанија, Косово, Турција, Аргентина , Уругвај, Италија итн.Нејзините интереси во уметноста се движат од примената на класичната уметност до современите уметнички типови на изразување. Таа ги проучува сите начини на уметничко изразување, експериментирајќи со мешањето на материјали и  уметнички јазици.  

Не е дозволено преземање на оваа содржина или на делови од неа без дозвола од редакцијата на Плусинфо