„Да се истрае“ - самостојна изложба на Марија Конеска

Во организација на Друштвото на ликовни уметници на Македонија во Галерија 8-Безистен во Старата скопска чаршија, утре во 20 часот ќе се отвори изложбата на академската уметница Марија Конеска насловена како „Да се истрае“.

Марија Конеска има дипломирано на Факултетот за ликовни уметности, оддел графика и до сега има остварено една самостоја изложба и има учествувано на повеќе групни изложби во Македонија и надвор. Моментално е постдпломец на истиот факултет, во сликарскиот оддел во класата на Антони Мазневски.

„Секојдневниот предизвик на сите нас е да се истрпи. Да се истрпи за да бидеш дел од средината, да истрпиш за да бидеш свој, да истрпиш затоа што мораш, да истрпиш затоа што понекогаш немаш избор...
Се се сведува на борба, најтешката, со самите себеси, затоа секогаш остануваат зборови некажани, мисли запрени и погледи изгубени...
Се поминува, а на крај пак треба да останеме свои.
Ова е серија на графики со ликови кои сите си ги носиме секогаш со себе“, вели авторката Марија Конеска.

Подготви: Ј.А.

Не е дозволено преземање на оваа содржина или на делови од неа без дозвола од редакцијата на Плусинфо