ФОТО Го промени полот на 81 година и стана баба!

Поранешниот воен пилот Џејмс Роуз, татко на три и дедо на четири деца, во поодминати години се подложил на операција за промена на полот и сега се вика Рут.

81-годишниот Џејмс Роуз, поранешен воен пилот од Велика Британија, одлучил во поодминати години да направи операција за промена на полот, па сега се јавува на името Рут и официјално е најстарата личност на светот која го променила полот.

- Отсекогаш знаев дека сум родена во погрешно тело - раскажала Рут за британските медиуми, додавајќи дека се кае само поради една работа во врска со операцијата – затоа што не вградила поголеми гради.

Рут како Џејмс бил разведен татко на три и дедо на четири внучиња. Меѓутоа тој од својата деветта година знаел дека е во погрешно тело.

- Додека бев во брак, водев двоен живот. Се облекував во женска облека меѓу пријателите, но дома морав да глумам маж - раскажала Рут.

 

Таа рекла дека почувствувала вистинско олеснување кога докторот ѝ предложил операција за промена на полот. „Мислев дека е предоцна за мене и дека сум престара за тоа. Меѓутоа, сигурна сум дека хирурзите не би се осмелиле да ме пратат на операција доколку не беа сигурни дека можам да ја издржам“, раскажала Рут.

Меѓутоа, таа не направила комплетна реконструкција на половиот орган.

- Би било урнебесно да побарав да ми направат вагина за да можам да имам секс со мажи. Тоа не би било во ред. Целта на оваа операција за мене не беше во сексуалните односи со некој, туку конечно да се почувствувам женствено - заклучила бабата.

Подготви:К.А.