ФОТО Куќата во која никој не сака да живее!

Австриското министерство за внатрешни работи ќе упати пoвик до бројни адреси со цел да пронајде државна служба која би била подготвена да ја изнајми родната куќа на Адолф Хитлер, во градчето Браунау-ам-Ин, која стои празна од 2011 година.

Импозантната градба од 800 квадратни метри, која австриската држава и општината од 1972 година, ја изнајмувале на приватни сопственици сакајќи да спречат да стане место на неонацистички собири, сместена во самото средиште на градчето на границата со Германија, стои празна веќе три години. 

Нејзиниот сегашен сопственик, чиј идентитет не е откриен, неодамна ја одби понудата на националните колеџи и хуманитарни институции за социјализација на имигранти за наем, што било предлог на државата и општината.

Министерството сега сака сите сектори кои се заинтересирани за овој простор, да се јават што побргу, рекол во вторникот челникот на Министерството за внатрешни работи надлежен за ова прашање, Херман Феинер, додавајќи дека одговорот го очекува „до крајот на годината“. Наемот на зградата во која нацистичкиот диктатор, роден во 1889-та година, живеел првите три години од неговиот живот, чини според државната пресметка, 4.600 евра месечно.

Во 1989-та година, општината Браунау-ам-Ин, на тротоарот пред куќата поставила спомен плоча од камен, од рудникот во поранешниот концентрационен логор во Маутхаузем за да предупреди на фашизам. 

Подготви: К. А.