ФОТО Менува трособна куќа за Ајфон

Во Детроит се продава трособна куќа во вредност на последниот модел на Ајфон. Еден од очајните сопственици на куќата веќе со месеци не успева да ја продаде куќата по почетна цена од 5.000 долари па затоа одлучил да ја понуди во замена за последниот модел на Ајфон, пренесува весникот „Фигаро“.

Агентот ангажиран за продажба на оваа куќа тврди дека добил веќе четири понуди а најверојатно куќата ќе му припадне на купец кој веќе живее во овој четврт по цена од 750 долари.

Куќите во овој регион се еднолични. Во моментот ги има стотина на продажба. Продавачите на куќи на сè се  подготвени за да се ослободат од своите непрофитабилни недвижности. Сопственикот на куќата чија врендност е проценета на 20.000 долари  се согласил да ја отстапи во замена за автомобил од мараката „Шевролет“ од 1994 година.

Бројот на празни куќи во Детроит во последните неколку години се зголемува како директна последица на непривлечноста на овој американски регион и одење на нејзините жители.

Градот претрпел сериозни последици поради кризата на автомобилската индустрија. Бројот на жители е намален за третина од почетокот на кризата поради затворањето на фабриката за автомобили. Градот Детроит по секоја цена се бори да избегне банкрот.

Подготви:Б.В.