ФОТО Проколнат автопат: На местото каде што Хаџихафизбеговиќ усмрти жена, загинаа Тоше Проески и Долорес Ламбаша

Во јавноста како бомба одекна веста дека босанскиот глумец Емир Хаџихафизбеговиќ на автопатот усмртил жена, а на истиот пат во 2007 година загина и Тоше Проески, а во 2013 година на хрватската глумица Долорес Ламбаша.

Дали овој пат проколнат? Македонскиот пејач и хрватската глумица на „проколнатиот“ автопат настрадале на речиси идентичен начин, во исто време и во ист месец.

Автомобилот со кој управувал Емир  Хаџихафизбеговиќ налетал на возач и на патничка кои стоеле покрај автомобилот паркиран на левата лента. До несреќата дошло во неделата вечер околу 20 часот на неосветлениот дел на автопатот А3 кај местото Брочица, на местото каде што се изведуваат работи на патот. Според непотврдените информации, дваесетина минути пред несреќата автомобил ја соборил светлечката сигнализација која предупредува дека се извршуваат работи на патот. На паднатите знаци налетале неколку автомобили на кои притоа им се дупнале гумите на тркалата, а автомобилот на актерот удрил во една жена која излегла од своето возило да си ја смени дупнатата гума.

Како што пренесуваат хрватски медиуми, од еден автомобил излегле маж и две жени, а Хаџихафизбеговиќ со својот автомобил се обидел да помине помеѓу оградата на патот и застанатото возило, но притоа ја удрил жената. Повредената веднаш била пренесена во болница во Нова Градишка каде 62-годишната Загрепчанка им подлегнала на повредите.

Случајно или не, хрватската актерка Долорес Ламбаша животот го изгуби на делницата од патот на кој пред седум години трагично загина и македонската музичка ѕвезда Тоше Проески. На истата делница, на оддалеченост од 60 километри во правец кон Загреб загина и Тоше Проески. И двајцата спиеле кога дошло до кобниот удар.


Интересно е што глумицата и македонскиот пејач се родени во 1981 година и што двајцата загинаа во октомври. Проески животот го изгуби во 6.20 часот наутро, додека Долорес имала несреќа десет минути подоцна. Сообраќајната несреќа на Долорес Ламбаша се случила во 6.30 часот на автопатот А3 кај Среданци, во околината на Славонски Брод. Уште ед­на ко­инци­денци­ја што се пок­ло­пу­ва со смрт­та на Тоше е тоа што и возачот на македонскиот пејач остана неповреден, како и колегата на Ламбаша кој управувал со автомобилот. 

Жителите кои живеат во близина на оваа делница сметаат дека тој пат е проколнат и за се ги обвинуваат подземните води и мрачните сили. Токму на тоа место возачите се жалат на халуцинации и на необјасниви појави. Еден од пострашните настани датира од 1978 година кога возач кај Нова Градишка видел перница со бебе. Нагло закочил и излетал од патот, а кога се наведнал да ја подигне, перницата со бебе исчезнала.

На тој дел од патот на возачите им се покажувале и духови. Небричен маж, во парталава облека кој води мал коњ впрегнат во старинска кола паралелно со автопатот е еден од духовите кои возачите често го сретнуваат.За седум години, од 2006 до 2013 година на истата делница во 2.293 несреќи загинале 54 лица, а тешко се повредени 180 патници.

Поради зачестените сообраќајни несреќи овој автопат во медиумите често е нарекуват и „проклет“ и до сега однесе голем број животи.

Подготви: К. А.