ФОТО Тигарот на Путин, Кузја, осомничен за напад на кокошарник

Тигарот кој Путин го пуштил во дивината наводно изел неколку кокошки и зад себе оставил траги од крв, своите шепи, но и пердуви од кокошките.

Кинезите го „осомничиле“ сибирскиот тигар Кузја, кој рускиот претседател Владимир Путин го пуштил во дивината, за напад на кокошарник во едно село во покраината Хеилонгјианг на северот на Кина, известуваат денес руските медиуми.
Наводно тој изел неколку кокошки и зад себе оставил траги од крв, своите шепи, но и пердуви од кокошките, јавува кинеската новинска агенција Xinhua.
Кузја го пријавиле локалните жители пред три дена кај пограничната служба.

Кузја е еден од трите тигри кои Путин ги ослободил во мај оваа година во Амурската област. На почетокот на октомври кинеските експерти известиле дека Кузја ја минал руската граница и неколку пати бил виден во покраината Хеилонгјианг. Биле поставени повеќе од 60 автоматски видео камери за да се следи неговото движење.
Во дивината живеат помалку од 500 сибирски тигри и тоа поголем дел се во источна Русија, североисточна Кина и северните делови на Корејскиот полуостров.
Сибирските тигри се загрозени бидејќи се ловат поради крзното.

Неодамна кинеските власти покренаа потрага за сибирскиот тигар Кузја, откако беше утврдено дека ја поминал руско-кинеската граница, веројатно во потрага за храна. Тигарот кој е еден од трите ретки примероци останати од неговиот вид, беше пуштен на слобода во мај во руската регија Амур во источен Сибир. Руските медиуми објавија во 2008. година дека Путин наводно спасил една телевизиска екипа испалувајќи куршум за успивање, со кој го погодил сибирскиот тигар кој бил побегнат од националниот парк.

Еколозите велат дека загрозениот амурски тигар веројатно барал подобро ловиште, но сега стравуваат за неговата безбедност.

Василиј Горобејко, заменик менаџер за природни ресурси во Русија, вели дека е загрижен поради тоа што Кина е понаселена земја и затоа што залутаниот тигар би можел да го убие некој фармер доколку случајно би дошол на имотот.

Путин ја ослободи Кузја кога имаше 19 години, заедно со уште два тигра. Кузја беше најхрабрата од нив и прва замина во дивината.

Другите два тигри, Борја, брат на Кузја и Илона, останаа во амурскиот регион.

Путин ги предводеше напорите за заштита на амурските тигри. Популацијата на овие животни во дивината е сочинета од само неколку стотици единки и не е на одржливо ниво, без интервенција на луѓето.

Подготви: K. A.