Исповед на 26-годишна девица: Зошто сè уште сум невина!

Таа има 26 години и сè уште е невина! Така самата одлучила, бидејќи во сексуални односи не сака да стапи пред брак.

Излегувањето со момчиња за оваа девојка се комплицирана приказна. Кога да му се каже на момчето дека е невина? На првиот состанок? И предоцна и прерано. На вториот, третиот? Одговорот, се чини, е едноставен, барем од перспектива на оваа девојка - не постои вистинско време.

Во денешно време, нејзината одлука на некој начин е екстремна. 

Имам 26 години и сум високообразована, имам добра работа, преубав стан и немам долгови. Опкружена сум со добри пријатели, имам семејство кое ме поддржува и јасна слика за тоа која сум и каде одам. Според некои стандардни општествени мерила, мошне сум успешна личност. Сепак, кога ќе дојде моментот на момчето со кое сум излегла да му кажам дека сè уште сум девица и дека секс не доаѓа предвид, одеднаш во очите на светот станувам несигурна и чудна - вели оваа 26-годишна девојка.

Признава дека неколкупати била вљубена и во врски, но тие никогаш не станувале доволно сериозни и секс не доаѓал предвид. Во средно училиште и на факултет главно имала улога на пријателка која дава љубовни совети на другите девојки, па и на момчињата.

Едно момче, со кое работите се одвивале во насока на врска, па и секс, ја изневерило. Односно излегло дека тој веќе има девојка. 

- Разочарувањето можеби е една од причините. Друга е тоа што сум христијанка. Не можеби во радикална смисла, но воспитана сум со став дека сексот е нешто што се случува исклучиво во брак - објаснува таа. 

Но, третата и можеби најважна причина е тоа што, всушност, сум романтична, и покрај тоа што делувам како независна, помалку цинична и со нозе цврсто на земјата и сексот ми преставува „она повеќе„. Не сум против сексот, напротив, тој, колку што сум слушала и слушам, е одлична работа и одвај чекам да го пробам, искрена е девојката. 

Признала и дека момчињата различно реагираат на фактот дека сè уште е девица. Некои заземаат лежерен став по тоа прашање, но всушност, веднаш размислуваат кој е најбрзиот и најлесниот начин да ја наговорат да го смени ставот.

- На почетокот некои реагираа добро, со многу разбирање, но на крајот сè се завршуваше. Излегуваше дека сексот е, сепак, многу важен - го опишува своето искуство оваа 26-годишна девојка.

Некои ги одбила веднаш, затоа што не биле „оние вистинските“ и врската не одела во посакуваната насока, па сето ѝ немало смисла.

Еден од поранешните момчиња во целост ја поддржувал нејзината одлука, но излегло дека постојано сака да зборуваат за секс, односно за тоа дека тој е нешто лошо и нешто заради што треба да се чувствуваат виновни, и само затоа што бил премногу религиозен.

- Тоа уште повеќе ме натера да останам доследна на својата одлука и на ставот - вели девојката и додава:

„Не сум против секс. Напротив. Постојат мигови кога ми е тешко да се воздржам и тогаш се прашувам дали мојата одлука е исправна и дали има смисла да се чека“. 

Подготви: К. А.