Изложба „Експериментален цртеж“ во Дом на АРМ

Изложбата „Експериментален цртеж 2014“ ќе биде отворена утре во 20 часот во галерискиот простор при Домот на Армијата, во организација на Друштвото на ликовни уметници на Македонија (ДЛУМ).

На изложбата ќе се претстават ликовни автори, членови на Друштвото од цела Македонија. 
Изложбениот концепт на проектот „Експириментален цртеж“ претендира да го разработи процесот на револуционерното отстапување од институционалната вредност на цртежот и неговото ограничување на хартијата како фундаментален поддржувачки материјал, со цел да ја предизвика веќе прифатената дефиниција за негова презентација како едноставно дело на хартија. Селектираните дела ги трасираат основните на современиот цртеж почнувајќи од развој на линијата на пикторијален план, до неговите дигитални модификации.

Во оваа селекција ќе бидат прикажани цртежи кои можат да бидат дефинирани и како ко-продукт на други видови креативни процеси, ставајќи го акцентот на неговата интердисциплинирана, когнитивна, перформативна или комуникативна функција.

Изложбата е поддржана од Град Скопје и ќе трае две недели.


Подготви: Б.И.
Не е дозволено преземање на оваа содржина или на делови од неа без дозвола од редакцијата на Плусинфо