„Јужен тек“ ќе биде поскап од планираното

Изградбата на „Јужен тек“ значително ќе поскапе. Дел од цевководот под Црно море ќе чини 14 милијарди евра, а копнениот дел преку Европа 9,5 милијарди, пишуваат српски „Новости“. 

Цената  ја потврди Александар Иваников, еден од директорите на финансиското одделение на „Гаспром“. Порано во „Гаспром“ се зборуваше дека морската делница на гасоводот ќе чини околу 10 милијарди евра, а копнената 6,6 милијарди евра.

Со новите пресметки оваа делница од „Јужниот тек“ ќе биде поскапа 41,6 отсто од претходно планираната цена.

Извор: МИА