Кина го блокира сајтот на Би-Би-Си

Веб-локацијата на Би-Би-Си денеска беше блокирана неколку часа во Кина, откако на неа беше прикажан видео материјал на кој се гледа како полицајци од Хонг Конг тепаат продемократски демонстранти.

Мерката била преземена поради известувањето за континуираното засилување на контролата на Пекинг врз медиумите и интернетот.

Ова е прв ваков случај од декември 2010 година, кога веб-локацијата на Би-Би-Си беше целосно блокирана во Кина. Тогаш мерката беше во сила неколку дена по врачувањето на Нобеловата награда за мир на уапсениот кинески дисидент Ли Сијаобо.

Кинеската верзија насајтот на британската јавна радиотелевизија е целосно блокирана од нејзиното создавање во 1999 година, со исклучок на краткиот период од неколку месеци по повод Летните олимписки игри во Пекинг во 2008 година.

Извор: МИА