Конечно откриено: На погребот на Тито во неговиот ковчег немало труп, туку песок

Погребот на Јосип Броз Тито на 8 мај 1980 година бил всушност една големо подметнување на службата на државната безбедност на поранешна Југославија, пренесуваат „Вечерње новости“ во својот специјален додаток „Крвави архиви“.

Ова светско случување беше голем испит за југословенскиот систем на безедноста и тајната служба, бидејќи требало да се обезбедуваат 600 значајни гости и светски државници. Доктор Обрен Ѓорѓевиќ кој 40 години поминал како професионалец во органите за безбедност , тврди дека во ковчегот кој бил изложен во сојузното собраните, не бил трупот на Тито туку бил ставен песок.

- Кога Тито почина  некои од членовите на Претседателството на СФРЈ, пред сè Стеван Дороњски и Стане Доланц, сакаа да го балсамираат и да го стават во мавзолеј каков што има Ленин на Црвениот плоштад. Телото на Тито беше преполно со разни лекови и медикаменти, и почна прерано да се распаѓа и да шири непријатен мирис околу себе. Од медицински и хигиенски причини Доланц, Микулиќ и Дороњски одлучија погребот да се изврши без телото на Тито. Во ковчегот кој беше изложен во сојузното собрание се наоѓал песок - открива доктор Ѓорѓевиќ.

Подготви:Б.В.