Најмалиот и најлесниот принтер на светот

Јапонскиот производител „Епсон“, деновиве го прикажа, според нив, најмалиот и најлесниот А-4 принтер на светот со име Workforce WF-100W.  

Овој принтер е наменет за мобилни работници кои што им е потребно печатење на различни локации, односно за луѓе кои не работат во канцеларии.

Со неговата тежина од само 1,6 килограми и напојување со интегрирана литиум-јонска батерија која што може да се наполни преку усб приклучок, може да биде сместен во било која поголема модерна торбичка за таблет или лаптоп.

Сандачето за листови може да се наполни со максимум 50 парчиња од А-4 форматот, а содржи две касети за мастило и резервоарче за пигмент мастило.

Се поврзува директно преку бежична конекција или како мрежен принтер и со него добивате и бесплатна принт апликација од „Епсон“.

Исто така, Workforce WF-100W ги поддржува и интернет принт сервисите на Гугл (Google Cloud Print) и на Ејпл (Apple AirPrint).

Цената ќе му биде 299 евра.




Подготви: В.С.
Не е дозволено преземање на оваа содржина или на делови од неа без дозвола од редакцијата на Плусинфо