Операцијата против ИД во Ирак и Сирија наречена „Вродена решителност“

Американското Министерство за одбрана операцијата против џихадистичката група Исламска држава во Ирак и Сирија ја нарече „Вродена решителност“.

- Името на операцијата е „Вродена решителност“. Одлуката беше донесена пред неколку дена - истакна полковник Ед Томас без да наведе повеќе детали.

На 8 август САД почнаа да ги бомбардираат позициите на ИД прво во Ирак, а потоа во Сирија.

Американските воени авиони вчера и денеска извршија 18 напади врз позиции на Исламска држава во сирискиот град Кобане, соопшти Централната команда на Вооружените сили на САД.

Американската воена авијација изврши и пет напади врз борците на ИД во Ирак, се посочува во соопштението од Централната команда.

Извор: МИА