Поп-пејачката десет години била сексуално, физички и вербално злоставувана

Американската поп-ѕвезда Кеша десет години била сексуално , физички и вербално злоставувана, пренесуваат американските медиуми.

Според тужбата до кој дошол порталот „ТМЗ“, пејачката својот поранешен продуцент Др.Лук го обвинила дека ја малтретирал поради што за малку ќе умрела.

Таа додала дека ја присилувал да консумира дрога и алкохол со цел полесно да се опушти на сцената. Во тужбата навела дека продуцентот ја натерал да шмрка нешто сомнително и дека ја нападнал во авион, а во една прилика навела дека се разбудила во неговиот кревет без да се сеќава што правела претходната вечер.

Нејзиниот адвокат изјавил дека Кеша сака со тужбата да се избори за својата слобода откако десет години била жртва на својот продуцент. Др. Лук сите тужби ги отфрлил, изјавувајќи дека ова е масло на новиот менаџмент и нејзината мајка.

Подготви:Б.В.