Поранешен питач ја пронашол жената која му помогнала и ѝ дал 131.000 евра!

Хе Ронфгенг, денес богат 38-годишен кинески претприемач, успеал пред неколку дена да ја пронајде жената на која никогаш не престанал да мисли па на врата ѝ тропнал со чек вреден милион јуани (околу 131.000 евра). 

Имено, Ронфгенг некогаш бил сиромашен и за живот заработувал просејќи, далечната 1993 година, кога имал само 17 години, ја сретнал Даи Ксингфен (45) која се сожалила на него.

Ксингфен го примила Ронфгенг со уште двајца питачи во својот дом и ги нахранила, па ги пратила во светот со порака која никогаш не ја заборавил:

- Нè нахрани, ни дозволи кај неа да преспиеме, па утредента ни даде и пари за карти за воз. Тогаш пред 21 година ако не беше таа, јас сега не бил бил тука каде што сум денес. Таа вечер ни рече дека не е срамота да сe биде сиромашен и нè испрати со зборовите дека секогаш треба да тежнееме кон тоа да бидеме добри личности – раскажал Ронфгенг, кој Ксинфен, имено сопственичка н продавница со тестенини, ја пронашол во Таизхоу.

Ксингфен, трогната веќе од самиот факт што Ронфген се сеќава на неа, го одбила чекот со зборовите дека не му помогнала за да ѝ се исплати тоа, но се согласила да ја дарува со постер на кој тајкунот напишал: „Мојата благодарност е тешка како планина“.

Подготви: К. А.