Повеќе од 35.000 граѓани го посетија првиот Саем за вработување
12:03 | 15.10.2014Настанот го организираше Агенцијата за вработување на Република Македонија.
Повеќе од 35.000 граѓани го посетиле првиот Саем за вработување, кој вчера се одржа во СЦ „Борис Трајковски“.
На саемот пред граѓаните се претставија над 80 компании, кои нудеа слободни работни позиции на пазарот на труд.
Настанот го организираше Агенцијата за вработување на Република Македонија.
- Целта на првиот Саем за вработување беше доближување на понудата на работа и понудата на работна сила. Како организатор на настанот, Агенцијата за вработување на Република Македонија е задоволна од одзивот на граѓаните, и одзивот на компаниите, за кои беше овозможена регрутација на кадар преку директен контакт со потенцијалните вработени лица. Резултатите од овој Саем, ќе може да ги очекуваме за еден месец, кога ќе може да се направи пресек на тоа, колку лица, преку првиот Саем за вработување, успеале да пронајдат работно место - изјави Влатко Поповски, Директор на Агенција за вработување на Република Македонија.
Подготви: Ј.А.
Не е дозволено преземање на оваа содржина или на делови од неа без дозвола од редакцијата на Плусинфо