Продукти кои ги прочистуваат белите дробови од цигарите

Ракот на бели дробови е една од водечките причини за смрт од карцином во светот и од него во најголем број заболуваат токму оние кои секојдневно уживаат во вдишувањето на чадот.

Лекарите поради тоа на сите пушачи им препорачуваат едноставно да се откажат од таа нималку добра навика. Ако веќе пушите, потрудете се барем да го намалите ризикот од заболување од рак. Постојат различни начини да ги исчистите белите дробови од катранот и токсините и така да го намалите ризикот од појава на инфекции. 

Одредени продукти секако можат да ви помогнат да ги прочистите дишните органи. Запамтете дека белите дробови не можете целосно да ги исчистите со овие продукти, но барем во одредена мера можете да се ослободите од токисините и со самото тоа да ја намалите шансата од добивање рак. Со тоа на ум, ви донесуваме листа од неколку продукти кои ќе ви помогнат во чистењето на белите дробови.

Пченка шеќерка

Овој продукт содржи бета-криптоксантин за кој се смета дека ги штити белите дробови од карцин бидејќи претставува силен антиоксидант. Од друга страна, имајте на ум дека повеќето пченки шеќерки на полиците во продавниците се, всушност, ГМО, па консумирајте ги само оние за кои сте сигурни дека потеклото им е 100 отсто природно.

Селен

Станува збор за навистина моќен антиоксидант кој може да се најде во разни видови риба како туна, лосос и бакалар, но и во јагнешкото, јајцата и житарките. Секако, ви препорачуваме да се држите до јајцата и житарките и да ги избегнувате продуктите од животинско потекло.

Кромид

И лукот и кромидот содржат состојки кои имаат антиканцерогено дејство. Кромидот помага во спречување на многу болести, меѓу кои се инфекции и рак на белите дробови. Интересно е тоа дека кај лицата кои веќе имаат карцином го спречува растот на нови канцерогени клетки.

Ѓумбир

Ова е една силна состојка за исфрлување на токсините од белите дробови. Можете да пиете чај од коренот од ѓумбир со што ќе си го олесните дишањето, а парче ѓумбир можете да изедете со оброкот.

Портокали

Освен што се познат извор на витамини, портокалите исто така содржат и криптоксантин кој превентивно дејствува против ракот на белите дробови.

Коприва

Оваа билка е преполна со железо, а многу е корисна и како состојка за дезинфекција на белите дробови и борба против инфекции.

Чај од борови иглички

Овој чај традиционално се кроисти за чистење на устата и грлото, но може да ви биде и добар сојузник во борбата против рак на белите дробови, како и за превенција.

Подготви: К. А.