Промоција на книга од Димитар Мирчев

Во мултимедијалниот центар „Матица ексклузив“ утре во 18 часот ќе се одржи промоција на книгата „Ферментација на демократијата и на нацијата – сите македонски пролети од 1943 до 1993 година“ од проф. д-р Димитар Мирчев, во издание на издавачката куќа „Силсонс“од Скопје.

За најновото остварување на авторот ќе говорат амбасадорот Ристо Никовски и проф. д-р Далибор Јовановски.

Димитар Мирчев беше професор по политички науки, надворешна политика и меѓународни односи. Тој е поранешен проректор на Универзитетот „Св. Кирил и Методиј”, наставник на повеќе наши и странски универзитети.

Како амбасадор во Словенија и во Светиот престол во 1998 г. го доби од Папата Јован Втори највисокото одликување за неговите заслуги и дејност во дипломатијата, мирот и разбирањето меѓу народите.

Автор е многубројни трудови, учебници, монографии, студии и истражувања, посебно за нашиот политички живот. Добитник е на највисоките државни награди за остварувањата во областа на науката, образованието и културата.

Подготви: Ј.А.

Не е дозволено преземање на оваа содржина или на делови од неа без дозвола од редакцијата на Плусинфо