Русите до 2018 година ќе „печатат“ бубрези за трансплантација

Руските научници планираат до 2018 година да „отпечатат“ човечки бубрег, кој може да се користи за трансплантација. Бубрегот ќе биде испечатен на првиот руски биопечатач, а првин ќе се создаде компјутерски модел за идниот орган со сите негови анатомски карактеристики на ткивото.

Потоа од изворните клетки на пациентот ќе седобиваат т.н. сфероиди - конгломерати на клетките. Тоа ќе биде „градежен материјал“ за ткивото или органот.

Биопечатачот кој е направен во Русија има должина на печатење од еден микрометар.

Ниту една странска машина нема таков густ печат. Тој е само еден од единствените руски „know how“, истакнува извршниот директор на лабораторијата „3 D Bioprinting solutions“, Јусеф Хесуани.

Главната предност на рускиот биопечатач е можност да се користат сите методи на печатењето. Тој овозможува печатење и на клетки, сфероиди и биогел.

Притоа печатачот содржи пет „млазници“. Две се предвидени за сукцесивно истискување на полимерен хидрогел, а останатите служат да вметнат различни видови на клетки  во биогелот, со нивно комбинирање во различни варијанти. Подоцна отпечатената конструкција се сместува во био-ректор кој е исполнет со потребни хранливи материи. Тука се одвива сраснувањето на клетките и истовремено испирање на биогелот кој повеќе не е потребен.

За разлика од странските машини, руската технологија овозможува добивање на скоро идеална сличност со природните органи. Првиот руски биопечатач засега работи во пробен режм. Меѓутоа во март 2015 година му престои „шпечатење“ на функционална штитна жлезда, со минијатурни димензии.

Веќе во 2018 година руските научници имаат намера да отпечатат човечки бубрег кој ќе може да се пресадува.

Подготви:Б.В.