СДСМ: ВМРО-ДПМНЕ цитира погрешен член на законот за да се извлече

ВМРО-ДПМНЕ не негира дека најголем дел од фирмите сами ќе треба да си ја платат новата задолжителна ГПРС каса, иако власта најавуваше дека касата ќе биде на државен трошок, одговара СДСМ на реакцијата од ВМРО-ДПМНЕ на денешната прес-конференција на пратеникот од СДСМ, Јован Митревски.

„Најголемиот товар ќе падне на малите и средни претпријатија што едвај работат, за да преживеат. Власта на ВМРО-ДПМНЕ, со реакцијата, се обидува да се оправда, безобразно извртувајки дури и закон. Членот што го цитираат од Законот за персонален данок се однесува на самостојните вршители на дејност, занаетчиите, кои воопшто немаат фискални каси и данокот го плаќаат според паушално утврдена основица“, одговара СДСМ.

Најголемата опозициска партија порачува дека се залага за плаќање на даноците и за ГПРС каси за сите, но тие да бидат бесплатни.


„Сметаме дека фирмите треба да имаат ГПРС каси, но СДСМ бара, замената на касите со нови ГПРС каси да биде бесплатна, посебно за малите претпријатија“, се вели во реакцијата од СДСМ.

Не е дозволено преземање на оваа содржина или на делови од неа без дозвола од редакцијата на Плусинфо