СДСМ: Венецијанската комисија упати критики за уставната измена во отсуство на опозицијата

Токму Венецијанската комисија упати директни критики на уставната измена што во отсуство на опозицијата сака да ја протне власта на Груевски, тоа е воведувањето т.н. меѓународна финансиска зона.  Токму Венецијанската комисија укажува дека „постои потенцијален ризик дека зоната ќе стане рај за нечисти пари.

Тоа го порача СДСМ реагирајќи на реакцијата на ВМРО-ДПМНЕ на прес-конференцијата на Рената Дескоска - Тренеска.

„Токму Венецијанската комисија стравува дека оваа зона може да стане „држава во држава“. „Исклучувањето на оваа зона од правниот поредок на државата не е компатибилно со основните одредби на Уставот и на европското уставно наследство“ стои во мислењето на Венецијанската комисија. Тоа што досега го говореше СДСМ, почна да доаѓа во најдиректни пораки и констатации од меѓународниот фактор“, порачува најголемата опозициска партија.

Не е дозволено преземање на оваа содржина или на делови од неа без дозвола од редакцијата на Плусинфо