Се испотепале поради канал за канализациски цевки

Жестока тепачка избувнала вчера во скопското село Синѓелиќ, кога поради канал за поставување цевки за канализација се судриле две групи.

Како што извести МВР, инцидентот се случил вчера околу 17 часот на ул. „Антон Попов“ во Сингелиќ, кога поради ископ на канал почнале да се тепаат Б.А.(30), Н.А.(61) и С.А.(57) од една страна и од друга страна И.А.(39) и Д.А.(56), при што сите се здобиле со видливи повреди.

Инцидентот го видел и униформиран полицаец, кој не бил на работа, кој од службениот пиштол испукал еден куршум во воздух за да ги раздели тепачките.

МВР информира дека се преземаат мерки за расчистување на случајот, по што ќе биде поднесен соодветен поднесок, а за настанот е известен Сектор за внатрешна контрола и професионални стандарди.

Не е дозволено преземање на оваа содржина или на делови од неа без дозвола од редакцијата на Плусинфо