Стаса и паметниот часовник на Ејпл

После едногодишно чекање, на истиот настан на кој го претставија Ајфон 6, Ејпл ја промовираше и конечната верзија на рачниот паметен часовник. 

- Ејпл беше прв кој што ги претстави на светот своите неколку производи кој што го дефинираа почетокот на нов бран технологија во светот. Првиот беше Мак компјутерот, па Ајподот, Ајфонот и како најново Ајпадот. Денес сме повторно спремни да го привлечеме вниманието на светот и да воведеме револуционерен производ кој што ќе го збогати секојдневниот живот на човекот – рече Тим Кук, генералниот менаџер на Ејпл.


Ејпл часовникот, најавен како најперсонален производ, кој што е изработен од компанијата, е дизајниран од гуруто на Ејпловиот дизајн, Џони Ајви, кој објаснува дека неговата нова „играчка“ содржи неколку нови технологии и потполно нов кориснички интерфејс што, според него, можеби ќе биде мало изненадување за фановите на Ејпл производите, но сепак не треба да се заборави дека интерфејсот е направен специјално за уред кој што се носи на зглобот.

Часовникот ги спојува границите помеѓу физичките објеки и корисничкиот интерфејс, бидејќи овој производ со себе носи досега невидена персонализација на паметен уред со огромен број на апликации само за таа намена.

Ејпл часовникот ќе ве чини 400 американски долари.

Подготви: В.С.
Не е дозволено преземање на оваа содржина или на делови од неа без дозвола од редакцијата на Плусинфо