Тони Цетински на 28 ноември со солистички концерт во Скопје

Популарниот хрватски пејач, Тони Цетински на 28 ноември најавува солистички концерт  во Скопје, во организација на „План Б Продукција“. Цетински доаѓа откако во 2005 година, Македонија имаше можност да го запознае како добар пријател на Тоше Проески во заедничката дуетска песна „Лагала нас мала“.
 
Во 2007 Тони Цетински застана рамо до рамо со Мајкл Болтон и Хозе Карерас, а пред македонската публика ќе настапи со голем број музички соработници, гости и пријатели. Откако пред неколку дена, ја снимија заедничката „Заблуда“ со српскиот кантавтор Жељко Јоксимовиќ, рушат рекорди на слушаност во регионот.
 
„Опет си победила“, „Онај ко те љуби сретан је“, „23 декември“, „Нека те одведе“, „Ако то се зове љубав“ се само  дел од хитовите кои што ја бележат кариерата на хрватскиот кантавтор. 

Концертот во Скопје, ќе биде единствен по многу нешта. Цетински најавува и оперски елементи, голем оркестар кој што ќе го придружува, хумор, глума но пред сѝ музички перформанс во кој што ќе уживаат сите генерации.  
 
Влезниците за концертот, ќе бидат пуштени во продажба во понеделник 20. октомври, за партер стоење по 400 денари, за трибина по 600 денари, за фан пит по 600 денари и ВИП по 1.200 денари.  Оваа промотивна цена на влезниците, останува до 16 ноември. 

Подготви:Б.В.