Турското Министерство за култура ја цензурира пиесата на Гете

Турското Министерство за култура се обиде да ја цензурира пиесата за животот на германскиот поет и драматург Јохан Волфганг фон Гете, што доведе до откажување на премиерната претстава во Истанбулскиот државен театар и оставка на директорот, пишува „Хуриет дејли њуз“.

Претставници на Министерството, кои прегледуваат сценарија пред поставување на претставата на сцена, процениле дека некои делови од творбата се „глупави и еротски“.

Меѓу сцените кои се сметале за недостојни за публиката се и некои од најчувствителните реплики во пиесата „Сонцето е големо, кога заоѓа“, која раскажува за бракот на Гете со жена од пониска класа.

Според претставници на театарот, ова не е првиот случај на мешање во нивната работа. 

Извор:МИА