ВИДЕО Дескоска: Веднаш да запрат уставните измени

Веднаш да запрат уставните измени. Тоа не го вели СДСМ, туку е нотирано во најновиот извештај на Венецијанската комисија кој е доставен и до Владата, но ѝ до Собранието на Република Македонија. Во тој извештај покрај сè, е нотирано дека за уставни измени е потребна широка политичка согласност и не е добро тие да се прават кога во Собранието нема опозиција, вели професорката од скопскиот Правен факултет и член на Извршниот одбор на СДСМ, Рената Дескоска-Тренеска.

Таа нагласи дека овие измени кои ги предлага Владата, според Венецијанската комисија се неуставни.

- Според комисијата, најспорен од сите предложени уставни измени е формирањето на меѓународна финансиска зона во Македонија. Тоа, според нив, значи формирање на даночен рај за нечистите пари. Македонија е на пат да биде пералница на пари, а зоната ќе биде држава во држава. Со нејзиното формирање државата ќе изгуби дел од својот суверенитет. Веницијанската комисија оценува дека таа зона не е според Уставот на ЕУ. Бараат за сите уставни измени кои се предложени да има дебата. Ние предлагаме да има општествена и широка јавна и политичка дебата. Уставот не се менува со трчање - вели Дескоска-Тренеска.   




Подготви: Г.Н.

Не е дозволено преземање на оваа содржина или на делови од неа без дозвола од редакцијата на Плусинфо