Вијаграта не им помага на мажите со ниско ниво на тестостерон

Резултатите од најновото истражување покажале дека вијаграта не им помага на мажите со ниско ниво на тестостерон.

Додека голем број пациенти кои имаат нарушување на ерекцијата трошат многу пари за вијагра, уролозите тврдат дека нивниот вистински проблем се крие во ниското ниво на тестостерон.

Еректилната дисфункција (импонтенција) е најчест сексуален проблем поради кој мажите бараат лекарска помош, а која влијае на 40 отсто од мажите постари од 40 години.Покрај тоа експертите утврдиле дека секој петти маж со еректилна дисфункција има и недостиг на тестостерон.

- Ниското ниво на тестостерон е поврзано со зголемен ризик од дијабетес и смрт предизвикана од кардиоваскуларни болести. Затоа раното дијагностицирање е многу важно во превенција на овие болести. Им советувам на мажите на кои вијаграта не им делува да се јават кај лекар, бидејќи ако се покаже дека е проблем ниското ниво на тестостерон, вијаграта и сличните препарати сами по себе нема да помогнат - изјавува британскиот уролог, Џефри Хакет.

Подготви:Б.В.