Во Ораховац нападнат домот на православен свештеник

Неколку минути по прекинот на фудбалскиот натпревар меѓу Србија и Албанија во Белград, тројца Косовци извршиле вандалски напад врз српскиот дел на косовскиот град Ораховац.

Тие извикувале „Албанија, Албанија“, фрлале стаклени шишиња врз куќите и на плоштадот пред православната црква во градот, а го скинале и српското знаме.

Тројцата Косовци потоа го нападнале и домот на попот, фрлајќи големи камења врз прозорците и развеале албанско знаме на неговата куќа.

Полицијата трага по напаѓачите.

Извор: МИА