„За“ и „против“ новиот Ајфон 6

Ако веќе го користите Ајфон 5с од пред само една година и тоа задоволство ве чинеше окулу 45.000 денари (а ако сте го земале со договор сигурно сè уште го исплаќате) најверојатно би било паметно да почекате барем уште една година додека не се појави Ајфон 6с, кога се очекува, Епл да поправи барем половина од недостатоците, како на пример 8 мегапикселенниот фотоапарат (13 мегапиксели е веќе стандард кај конкурентите) кој и така веќе го имате на вашиот „стар“ Ајфон 5с. 

Големината на екраните кај новите уреди е нелогична, бидејќи смарт-телефоните првенствено беа создадени да се користат само со една рака, поточно да можете да го користите телефонот додека се држите за држачите во автобус, додека пешачите или пак било што и да правите додека го користите телефонот, едната рака требаше секогаш да ви биде слободна. Со големината на новиот екран кај новиот Ајфон 6, едноставно, за човек со нормална должина на палец е невозможно телефонот да го користи со една рака. А поголемиот Ајфон 6 плус ќе треба да го носите во посебна торбичка или да најдете облека со специфична големина на џебови во кој што ќе можете да го сместите овој прв фаблет на Епл.

Кај овој производ не постои 4К снимање на видеа што е сигурно голем пропуст за смарт-телефон од високата класа.

Полната батерија кај Ајфон серијата од почетокот има големи проблеми со трајноста и многу е ретко да успеете да истерате цел ден со нормално користење, а да не ви треба дополна. Со тек на годините, корисниците се навикнаа на ова, па многу често овој проблем е заборавен. Ајфон 5с не направи многу да го смени овој лош тренд, а за Ајфон 6 велат дека ќе има големи подобрувања во таа област. Телефоните на некој од врвните производители имаат батерија која што трае два дена. 





Подготви: В.С.
Не е дозволено преземање на оваа содржина или на делови од неа без дозвола од редакцијата на Плусинфо