Заоблени рабови на екранот од новиот самсунг фаблет „Edge“

На официјалното претставување на новата линиja и хардвер за „Galaxy Note 4“, Самсунг без најава изненади со сосема нов производ како додаток при постојната презентација наречен „Galaxy Note Edge“.

Ова парче од корејската мобилна технологија го донесува единствениот екран со додаток во облик на заоблен лев раб кој сам по себе делува како посебен дел од екранот кој може да се користи како нотификациски панел, аларм за будење, генерален управувачки интерфејс или како управувачки дел за фотоапаратот.

Идејата за овој додаток е да се додаде мултитаскиннг на веќе функционалниот начин на оперирање на постојното Самсунг смартфон опкружување, а и секако изгледот на новиот фаблет е пријатен за око и можеби не толку нов како идеја, но секако за прв пат функционален според потребите на денешните Андроид корисници.

Фаблетот го содржи истиот хардвер како и „Galaxy Note 4“, а екранот оперира на резолуција опишана од Самсунг како 2560×1440 + 160 и од вас зависи како ќе ги користите деловите од вашите две поделени работни површини.

Самсунг, пред една година веќе се обиде со моделот Samsung Nexus S да го започне овој тренд со заоблени екрани, но тогаш идејата беше недоволно разработена и нефункционална. 

Подготви: В.С.
Не е дозволено преземање на оваа содржина или на делови од неа без дозвола од редакцијата на Плусинфо