Последна промена пред 10 години | Среда 02 Април 2025 | 0 0
Импресум | Маркетинг | Мобилна верзија facebook.gif twitter.gif twitter.gif
http://image3.plusinfo.mk//large_pics/2014/10/14/klas.jpg

ВИДЕО „Нашиот клас“ во режија на Милчин најдобра претстава на Јоаким интерфест во Србија

  • Објавено: 14.10.2014 12:08
  • Прочитано: 1875
  • Печати




Претставата „Нашиот клас“ по текст на Тадеуш Слобоѓањек, во изведба на Театарот за деца и младинци од Скопје, а во режија на Владимир Милчин, е прогласена за најдобра на 9-тото издание на фестивалот Јоаким интерфест во Крагуевац, Србија. Претставата „Нашиот клас“ освои две награди - Гран-при за најдобра претстава и Награда за визуелност.

 

Како што пишува МОФ, наградата за режија на Јоаким Интерфест ѝ е доделена на Снежана Тришиќ за претставата „Носорог“ по текст на Ежен Јонеско, во изведба на театарот од Кикинда. За најдобра актерка е прогласена Марина Воденичар, за улогата на ликот на Дејзи во „Носорог“, додека нејзиниот колега од истата претстава Ѓорѓе Марковиќ ја доби наградата за најдобра машка улога.


Специјалната награда за општествен ангажман и колективна игра доби претставата „Трпеле“ на Белградскиот драмски театар, која ја освои и наградата од публиката.


За наградите одлучуваше треточлено жири во состав: Златко Паковиќ, театарски критичар и драмски писател од Белград, Марко Сошич, режисер и драматург од Словенија и Исидора Рајковиќ, актерка на Крагуевачкиот театар.


Слоган на годинешното издание на „Јоаким интерфест“ беше „Војната во нас и околу нас“, по замисла на селекторот Горан Цветковиќ, а фестивалот е замислен како поле за општествена активност и третирање на актуелните политички проблеми во целиот регион. На фестивалот, кој започна на 7 октомври, учествуваа театри од Србија, Хрватска, Македонија, Словенија и Босна и Херцеговина.


„Нашиот клас“, кој Слобоѓанек го објавува во 2009 година, е потресна приказна за комплицираните полско-еврејски односи во 20 век, за колективниот срам, за вистината која никому не е потребна и за историјата на која не може да ѝ се суди, не може да се реконструира, ниту, пак, може да се објасни. Драмата беше номинирана за престижната полска книжевна награда Нике за 2010 година, а Европската театарска конвенција ја рангира меѓу најдобрите современи европски драмски текстови напишани во 2009 и 2010 година.




Објавено: 14.10.2014 12:33

petar:

Bravo za detskiot teatar, bravo za Vlade, bravo za akterite! Se pokaza ushte ednash koj moze i koj znae da pravi teatar i pokraj zabranite i progonite od ovie na vlast. Vrednostite se kako i vistinata, "ke dupi, dupi i na kraj ke izleze" shto bi rekol G..., Ljubisha i Projkovski mozat da napravat ushte sto pretstavi, ama nikoj ne gi gleda, a za nagradi nadvor da ne zboruvame.

Објавено: 14.10.2014 12:16

meri:

Cestitki

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>

Најчитани вести од последните 24 часа

Најкоментирани вести од последните 2 недели


/style/images/intervju-title.jpg

Ако неплаќањето беше олимписка дисциплина ќе земевме медал

http://image3.plusinfo.mk//kolumnisti/goran rafajlovski.jpg Објавено: пред 18.09.2014 12:00
Прочитано: 6318

Горан Рафајловски

http://image3.plusinfo.mk//izvori/plusinfo.jpg
safe_image.jpg
За патриотизмот и лојалноста (2)
Ненад Живановски
15.10.2014
Gero profil picture.jpg
Балкански дронови
Бранко Героски
15.10.2014
dragan mlosavljevik.jpg
Срамот наречен Кобане
Драган Милосављевиќ
14.10.2014
повеќе колумни>>


© Plus Info Media 2011 | Сите права задржани.