Последна промена пред 10 години | Среда 02 Април 2025 | 0 0
Импресум | Маркетинг | Мобилна верзија facebook.gif twitter.gif twitter.gif
http://image3.plusinfo.mk//large_pics/2014/10/14/oprahmom.jpg

ВИДЕО+ФОТО Исповед на најомразената мајка во Америка

  • Објавено: 14.10.2014 11:37
  • Прочитано: 2166
  • Печати
Бренда Слеби пред седум години гостуваше во емисијата на Опра Винфри, и тогаш ја раскажа страшната приказна која засекогаш ѝ го променила животот. Нејзината ќеркичка умрела поради нејзината немарност!

Тогаш таа за себе изјави дека е „најомразената мајка во Америка“, а сега повторно гостувала кај познатата водителка и потврдила дека по губитокот на своето дете никогаш повеќе нема да може да има нормален живот.

Бренда и нејзиниот сопруг Гери имале две ќеркички, а помалечката, Сесилија, имала само две години кога дошло до трагедијата. Тој кобен 23-ти август 2007 година Гери не можел помалечката Сесилија да ја однесе кај дадилката, па ја замолил Бренда да го направи тоа наместо него. Таа во тоа време работела како заменик директор и одвај успевала да одржи баланс помеѓу работата и семејството, а тоа утро се покажало дека не смеела ниту да се обидува.

Бренда ја земала ќерката со себе кога тргнала на работа, но бидејќи било прерано за да и’ ја однесе на својата дадилка, одлучила по пат да заврши некои обрвски. Поминала од пекара и купила крофни за своите колеги, а потоа се упатила кон училиштето во кое работела. Во меѓувреме малата Сесилија ја заборавила на задното седиште од својот автомобил.

Кога пристигнала во училиштето, излегла од автомобилот, ги извадила работите и се упатила кон канцеларијата притоа оставајќи ја малата Сесилија заклучена во автомобилот на задното седиште среде страшно жежок летен ден. Тоа бил првиот училишен ден и таа едноставно не знаела каде ѝ е главата од обврски, така што поминало многу време додека сфатила дека, всушност, ја заборавила ќерка си во автомобилот.

- Седев во канцеларијата и една добра учителка, моја пријателка и колешка која била тргната кон дома и случајно поминала покрај мојот автомобил дотрча до мојата канцеларија и ми кажа: „Бренда, бебето ти е во автомобил“… панично истрчав најбрзо што можев. Знаев што ќе најдам. Пулсирав и бев целосно зашеметена. Страв. Ме обли ладна пот. Ја отворив вратата од автомобилот и се сеќавам дека во позадина ги слушав гласовите околу мене од луѓето како врескаат. Ја повлеков толку силно што го повлеков и нејзиното седиште. Ја земав во раце и знаев… знаев дека е мртва. Само што ја земав во прегратка знаев - раскажала Бренда во емисијата на Опра пред седум години.

Сесилија умрела од топлотен удар откако во автомобилот поминала осум часа. Денес, нејзината мајка не е повеќе со Грег, а единствената причина за живот ја гледа кај старата ќеркичка Алисон.

- Таа е причината поради која станувам од кревет секој ден. Таа е причината поради која направив сè што имам направено изминативе седум години. Животот денес ми е многу поразличен од оној пред седум години. Повеќе не мислам дека сум најомразената мајка во Америка, но во задниот дел од умот секогаш ми стои таа мисла дека ја оставив ќерка ми да умре. Поради тоа многу се сомневам во она што го правам како мајка. Многу е тешко - рекла Бренда.

Подготви: K. A.

 

 

 

/style/images/posledni.jpg

Последни коментари (вкупно: 0)

Прочитај ги сите коментари:

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>

Најчитани вести од последните 24 часа

Најкоментирани вести од последните 2 недели


/style/images/intervju-title.jpg

Ако неплаќањето беше олимписка дисциплина ќе земевме медал

http://image3.plusinfo.mk//kolumnisti/goran rafajlovski.jpg Објавено: пред 18.09.2014 12:00
Прочитано: 6318

Горан Рафајловски

http://image3.plusinfo.mk//izvori/plusinfo.jpg
safe_image.jpg
За патриотизмот и лојалноста (2)
Ненад Живановски
15.10.2014
Gero profil picture.jpg
Балкански дронови
Бранко Героски
15.10.2014
dragan mlosavljevik.jpg
Срамот наречен Кобане
Драган Милосављевиќ
14.10.2014
повеќе колумни>>


© Plus Info Media 2011 | Сите права задржани.