Полово преносливи болести

Сексуално преносливите болести се предизвикуваат од многу микроорганизми, a бројот на заболени од сексуално преносливи болести во светот е особено висок. Со инфекциите што настануваат, се погодени сексуално активните парови, а можат да се пренесат и на новороденчето за време на породувањето доколку мајката е заразена. Овие болести исто така можат да предизвикат неплодност, вонматрична бременост, чести спонтани абортуси, предвремено продување, воспаленија на внатрешните генитални органи и кај мажите и кај жените.

Живееме во свет во кој преовладува многу заразни болести, меѓу кои се и половите болести. Во медиумите постојано гледаме реклами за заштита од полови болести, но за жал тие недоволно се применуваат во секојдневието.

Поголемиот дел од болните не се јавуваат на лекар. Симптомите можат да бидат благи, непрепознатливи и во комбинација со стравот од реакција на околината, многу од случаите остануваат недијагностицирани и нелечени. Сепак постојат болести кои што се пренесуваат преку сексуален однос и не се манифестираат на половите органи, како што е случајот со хепатит и со HIV-инфекциите. Сексуално преносливите болести се почести во летниот период поради почестите социјални контакти.

Предизвикувачи на половите болести се бактерии ,вируси, протозои, габи и паразити. Достапна е антибактериска, антигабична и антипаразитска терапија, додека за вирусните болести (HIV или хапетит) не постои соодветен антивирусен лек. Откако личноста еднаш била заразена со некоја сексуално пренослива болест и се излечила, може повторно да се зарази со истата, бидејќи не се создава имунитет.

Врз основа на клиничка слика, симптомите, објективниот наод и лабораториските анализи се поставува дијагноза. Брисот се зема од површината на кожата и од уретралниот канал. За некои од инфекциите, неопходни се и серелошки анализи. 
Со лекувањето треба да се почне што е можно побрзо, бидејќи со одолговлекување постои опасност од ширење на инфекцијата. 
Лечењето е антибиотско и секогаш мора да се лечат и двата пара.

Д-р Сара Кочишки