ОРТОДОНЦИЈА ЗА ВОЗРАСНИ

Дали од секогаш сте сакале прави, рамномерни заби? Со ортодонцијата, забната специјалност за порамнување (исправување) на забите, можете да ги моделирате вашите заби и да ја имате насмевка што од секогаш сте ја посакувале. Зошто да не изберете протези и на тој начин да го подобрите изгледот и целокупоното дентално здравје?  
Дали ортодонтскиот третман ќе ми овозможи ист резултат како и кај децата?
Здравите заби можат да бидат поместувани во која било возраст. Многу ортодонтски проблеми кај возрасните можат да се корегираат исто онолку лесно како и кај децата. Ортодонстките сили ги поместуваат забите на ист начин кај 72 годишно лице, како и кај 12 годишно дете. Факторите на компликација, како што е недоволниот раст на вилицата, се предуслов за специјален третман за возрасни.
Еден од пет ортодонтски пациенти е возрасно лице. Се проценува дека речиси еден милион возрасни луѓе во САД и Канада се подложуваат на ортодонтски третман. За да дознаете повеќе за корекција на одредени дентални проблеми, можете слободно да се консултирате со нас.  
Возрасните не растат повеќе и можеби веќе се имаат справено со кршење или загуба на забите или коската која им дава поддршка. Во овој случај ортодонтскиот третман може да е само дел од целокупниот третман. Потребна е тесна соработка помеѓу ортодонтот, оралниот хирург, периодонтологот, ендодонтот и семејниот стоматолог за да му се обезбеди на возрасното лице - пациент успешен комплексен ортодонтски третман, кој би ги опфатил и сите останати потреби на пациентот. Најчестите карактеристики кои предусловуваат третманот на возрасните да се разликува од оној на децата се дадени подолу.

Нема раст на вилицата (недоволен раст на вилицата)

Проблемите со вилицата кај децата најлесно можат да се корегираат со ортопедска направа - помагало за модифицирање на растот. Но, за да се корегира истиот проблем кај возрасниот пациент, може да е потребна и операција на вилицата. На пример, доколку долната вилица кај возрасниот пациент е премногу кратка за да е во сооднос со горната вилица, може да се развие сериозен проблем кај загризот. Ограничената можност за поместување на забите со протезите не би била доволна да се корегира овој проблем. За да се поместат долните заби нанапред, во правилна положба на загриз, би била потребна операција на вилицата со која би се издолжила долната вилица, а долните заби би се довеле во правилна позиција за загриз. Доколку решението на лошиот загриз не е можно само со поместување на забите, операцијата е неопходен чекор за да се корегираат останатите разлики во ширината или должината на вилицата. 

Загуба на коската или непцата

Многу поверојатно дека возрасните ќе се соочат со загуба или оштетување на непцата или коската која нуди потпора на забите (периодонтално заболување). Можеби ќе биде неопходно стоматологот или ортодонтот да изврши посебен третман пред, за време или после ортодонтскиот третман. Оштетувањето или загубата на коската може, исто така, да го ограничи препорачливиот степен или насока на поместувањето на забите.

Истрошени, оштетени или извадени заби

Истрошените, оштетени или извадени заби можат да го отежнат ортодонтскиот третман, но, исто така, и да ја зголемат причината да се спроведе. Забите со текот на времето можат да се истрошат и поместат во одредени позиции при што можат да се поправат само откако ќе се изврши нивно прецизно ортодонтско поместување. Доколку не се внимателно реставрирани (поправени), оштетените или скршените заби можат да не изгледаат убаво и да не фукционираат правилно дури и откако ќе се изврши ортодонтски третман. Забите кои недостасуваат, а не се заменети, често предизвикуваат накривување и поместување на забите, со што се влошува загризот, се зголемува можноста за периодентални проблеми и се отежнува подоцнежниот третман.

Доктор Радмила Димовска - Специјалист по ортодонција

КРУНА МС

ГТЦ, КЕЈ 11 НОЕМВРИ 2/2

1000 СКОПЈЕ

+389 2 3166919      

krunams@t-home.mk

 www.krunams.com.mk